” اسد عمر کی کمرہ عدالت میں طبیعت بگڑ گئی ، اسپتال منتقل ” | Express News Pro
”
سابق وفاقی وزیر اور سابق پی ٹی آئی رہنما اسد عمر کو انسداد دہشتگردی کی عدالت میں طبیعت خراب ہونے پر اسپتال منتقل کر دیا گیا۔
اسد عمر لاہور میں انسداد دہشتگردی عدالت میں پیشی کیلئے پہنچے ہی تھے کہ وہاں ان کی طبیعت بگڑ گئی ، جس پر انہیں فوری طور پر پنجاب انسٹیٹیوٹ آف کارڈیالوجی لے جایا گیا۔
پرویزالہٰی کی جیل میں طبیعت ناساز، پمز منتقل کر دیا گیا
اسد عمر کے وکیل نے کہا ہے کہ انہیں کمرہ عدالت میں دل میں تکلیف ہوئی۔ پی ٹی آئی رہنما اور شاہ محمود قریشی کے صاحبزادے زین قریشی بھی اسپتال پہنچ گئے ہیں۔
اسپتال ذرائع کا کہنا ہے کہ اسد عمر کی ای سی جی رپورٹ ٹھیک ہے، بلڈ پریشر کم ہو گیا تھا۔
واضح رہے کہ سابق وفاقی وزیر آج 9 مئی کے مقدمات میں ضمانت کی میعاد ختم ہونے پر عدالت پیش ہوئے تھے۔
”
About The Author
