” بنگلہ دیش میں متعدد لاپتہ رہنما 8سال بعد بازیاب ” | Express News Pro
”
ڈھاکہ: بنگلہ دیش میں شیخ حسینہ واجد کی حکومت کو دھڑن تختہ ہونے کے بعد 8 سال سے لاپتہ سیاسی رہنماؤں کو بازیاب کرا لیا گیا۔
غیر ملکی خبر رساں ایجنسی کے مطابق بنگلہ دیش میں طلبا تحریک کے نتیجے میں وزیر اعظم شیخ حسینہ واجد کا تختہ الٹ گیا۔ جس کے بعد شیخ حسینہ واجد کی جانب سے جن مخالفین کو لاپتہ کر دیا گیا تھا ان کی بازیابی کا سلسلہ شروع ہو گیا۔
بنگلہ دیش کی جیلوں میں برسوں سے قید اپوزیشن رہنماؤں کی رہائی کا عمل بھی جاری ہے۔
ڈھاکہ کی ایک عدالت نے کوٹہ اصلاحات کی تحریک کے دوران گرفتار بی این پی اور جماعت اسلامی کے رہنماؤں کی ضمانت منظور کرتے ہوئے انہیں رہا کرنے کا حکم دے دیا۔
یہ بھی پڑھیں: بنگلہ دیش میں ہجوم کا جیل پر دھاوا ، 500 سے زائد قیدی فرار کرا دیئے
عدالت کی جانب سے بی این پی اور جماعت اسلامی کے گرفتار ایک ہزار سے زائد کارکنان کی بھی ضمانت منظور کر لی گئی۔ عدالت نے بی این پی کی قائمہ کمیٹی کے رکن امیر خسرو محمود چوہدری اور جماعت اسلامی کے سیکرٹری جنرل میاں غلام پرور کی بھی رہائی کا پروانہ جاری کر دیا۔
”
About The Author
