” تیونس کے صدر نے دوسرے وزیر اعظم کو بھی برطرف کر دیا ”

”

تیونس کے صدر نے دوسرے وزیراعظم کو بھی بغیر کوئی وجہ بتائے برطرف کر دیا۔

غیر ملکی خبر ایجنسی کے مطابق تیونس کے صدر قیس سعید نے وزیراعظم احمد ہاچانی کو بغیر کوئی وجہ بتائے عہدے سے ہٹا دیا ہے۔

تیونس کے ایوان صدر کے بیان میں کہا گیا ہے کہ احمد ہاچانی کی جگہ سماجی امور کے وزیر کامل مدوری کو وزیراعظم مقرر کر دیا گیا ہے۔

بنگلادیش، برطرف انٹیلی جنس چیف بیرون ملک فرار ہوتے ہوئے طیارے سے گرفتار

کامل مدوری نے رواں برس مئی میں وزیر کا عہدہ سنھبالا تھا اور ایوان صدر کی جانب سے جاری تصویر میں صدر قیس سعید کو کامل مدوری کے ساتھ ہاتھ ملاتے بھی دکھایا گیا ہے۔

یاد رہے کہ احمد ہاچانی نے گزشتہ برس اگست میں نجلی بودین کی جگہ وزارت عظمیٰ کا عہدہ سنبھالا تھا جنہیں بھی صدر نے بغیر کسی معقول وجہ سے عہدے سے برطر کر دیا تھا۔

”