” جعلی ڈگری کیس میں سابق ایم پی اے کی نااہلی ختم ”

”

سپریم کورٹ نے سابق ایم پی اے ثمینہ خاور حیات کی نااہلی ختم کر دی۔

چیف جسٹس قاضی فائز عیسٰی کی سربراہی میں3 رکنی بینچ نے سماعت کی،عدالت کا کہنا تھا کہ 7رکنی بینچ قرار دے چکا ازخودنوٹس میں نااہلی نہیں ہوسکتی۔ثمینہ خاور کا کیس بھی لارجر بینچ کے فیصلے کے تناظر میں دیکھا جائے گا۔

اس موقع پر وکیل نے کہا کہ سپریم کورٹ نے ازخودنوٹس میں منتخب رکن اسمبلی کو نااہل کیا، چیف جسٹس نے استفسار کیا کہ کیا الیکشن کمیشن کو نااہلی ختم کرنے پر اعتراض ہے؟ ڈی جی لاء الیکشن کمیشن نے کہا کہ نااہلی ختم کرنے پر اعتراض نہیں۔ نااہلی کی مدت 5 سال ہوچکی جو گزر چکے۔

یاد رہے سپریم کورٹ نے 25 جولائی 2013 کو ثمینہ خاورکو جعلی ڈگری پر نااہل قرار دیا تھا،ثمینہ خاور حیات ق لیگ کے ٹکٹ پر رکن پنجاب اسمبلی تھیں۔

”