” رؤف حسن پی ٹی آئی رہنماؤں پر مظالم کا ذکر کرتے ہوئے آبدیدہ ہو گئے ”

”

اسلام آباد: پاکستان تحریک انصاف (پی ٹی آئی) کے ترجمان رؤف حسن پارٹی رہنماؤں اور کارکنوں پر مظالم کا ذکر کرتے ہوئے آبدیدہ ہو گئے۔

پی ٹی آئی کے مرکزی ترجمان رؤف حسن نے میڈیا سے گفتگو کرتے ہوئے کہا کہ 17 سال کے بچے کو اغوا کر کے اس کے والد کو حلف نامہ جمع نہ کرانے کا کہا گیا اور یہی پی ٹی آئی کی کہانی ہے۔

انہوں نے کہا کہ ہم پیپلز پارٹی، ن لیگ اور ایم کیو ایم کے علاوہ تمام جماعتوں سے رابطے میں ہیں لیکن ہم میڈیٹ چوروں سے رابطے میں نہیں ہیں۔

یہ بھی پڑھیں: کوہاٹ: کوئلے کی کان میں دھماکہ، 3 کان کن جاں بحق، 4 زخمی

ایک سوال کے جواب میں رؤف حسن نے کہا کہ اسٹیبلشمنٹ سے بات چیت کی ہماری پارٹی پالیسی ہے۔ بانی پی ٹی آئی بھی یہی چاہتے ہیں لیکن ابھی تک اسٹیبلشمنٹ کی جانب سے کوئی موومنٹ نہیں ہوئی۔

انہوں نے مزید کہا کہ پہلے ہم کہہ رہے تھے کہ مینڈیٹ واپس کیا جائے۔ اب ہماری پالیسی تبدیل ہوئی ہے ہم کہہ رہے ہیں کہ یا تو مینڈیٹ واپس کریں یا پھر الیکشن کرائیں۔

”