” لاہور ہائیکورٹ نے بانی پی ٹی آئی پر درج مقدمات کی تفصیلات طلب کر لیں ”

”

لاہور: عدالت نے بانی پاکستان تحریک انصاف (پی ٹی آئی) پر درج مقدمات اور انکوائریوں کی تفصیلات طلب کر لیں۔

بانی پی ٹی آئی پر درج مقدمات اور انکوائریوں کی تفصیلات کے لیے لاہور ہائیکورٹ نے دائر درخواست پر وفاقی تحقیقاتی ادارے (ایف آئی اے) سمیت دیگر فریقین سے مقدمات کی تفصیلات طلب کر لیں۔

لاہور ہائیکورٹ کے جسٹس شمس محمود مرزا کی سربراہی میں 2 رکنی بنچ نے دائر کردہ درخواست پر سماعت کی۔ درخواست میں نیب، ایف آئی اے، اینٹی کرپشن اور پولیس کو فریق بنایا گیا ہے۔

بانی پی ٹی آئی کی جانب سے درخواست میں مؤقف اختیار کیا گیا کہ مجھے تمام مقدمات میں ضمانت ملنے پر رہائی کے قریب نیب نے دوبارہ گرفتار کر لیا۔

یہ بھی پڑھیں: بجلی کی قیمت میں کمی کیلئے مہنگے پاور پلانٹ ختم کرنے کا فیصلہ

درخواست گزار نے استدعا کی کہ لاہور ہائیکورٹ درج تمام مقدمات، انکوائریز اور نظر بندی کے احکامات طلب کرے۔ عدالت عالیہ متعلقہ عدالت سے رجوع سے پہلے کسی بھی نئے مقدمے میں گرفتاری روکنے کا حکم دے۔

بعدازاں عدالت نے بانی پی ٹی آئی کے خلاف درج مقدمات کی تفصیلات فراہمی کے لیے درخواست پر فریقین کو نوٹسز جاری کرتے ہوئے کیس کی مزید سماعت غیر معینہ مدت تک ملتوی کردی۔

”