” مریم نواز،شہباز شریف اور نواز شریف کو بے نقاب کروں گی،صنم جاوید ” | Express News Pro

پاکستان تحریک انصاف (پی ٹی آئی ) کی کارکن صنم جاوید نے کہا ہے کہ ڈرنے جھکنے اور بکنے والی نہیں ہوں، مریم نواز،شہباز شریف اور نواز شریف کو بے نقاب کروں گی۔

صنم جاوید نے اپنی رہائی کے بعد پہلی مرتبہ پارلیمنٹ ہاؤس پہنچنے کے بعد میڈیا کے نمائندوں سے گفتگو کرتے ہوئے کہا کہ جان کی بازی لگا دوں گی لیکن پیچھے نہیں ہٹو ں گی۔ مریم نواز اور وزیراعظم شہباز شریف نے میرے خلاف جھوٹے مقدمات قائم کیے۔

9مئی مقدمات: پی ٹی آئی کے سابق رکن اسمبلی عدیل احمد احاطہ عدالت سے گرفتار

انہوں نے کہا کہ عدالتوں نے مجھے بے گناہ قرار دے کر رہا کر دیا مگر مجھے ڈرایا دھمکایا جا رہا ہے۔ میرے گھر والے محفوظ نہیں ہیں، چھوٹے چھوٹے معصوم بچوں کو ڈرایا جا رہا ہے۔ آج میں اکیلی نہیں ہوں پاکستان کے 25 کروڑ عوام میرے ساتھ کھڑے ہیں۔

صنم جاوید نے کہا کہ مریم نواز فارم 47 کے تحت جیتی ہے، اسے چیلنج کرتی ہوں کہ وہ دوبارہ الیکشن لڑ کر دیکھ لے اگر میں ہار گئی تو سیاست سے دستبردار ہو جاؤں گی۔

ڈالر کی قیمت میں معمولی اضافہ

انہوں نے کہا کہ جس طرح ریحانہ ڈار جنہیں لیڈی آئرن کا خطاب دیا گیا انہوں نے خواجہ آصف کو شکست دی اسی طرح مریم نواز کوشکست سے دوچار کروں گی۔

انہوں نے کہا کہ گزشتہ تین سالوں سے ظلم کی چکی میں پس رہی ہوں مگر ڈرنے والی نہیں ہوں۔ میری زندگی کا مقصد یہ ہے کہ جن لوگوں نے گزشتہ کہیں دہائیوں سے پاکستان میں کھربوں روپے کی کرپشن کی اور ملک کو دیوالیہ کر دیا ان کو بے نقاب کر کے چھوڑوں۔