” نیشنل انفارمیشن ٹیکنالوجی بورڈ میں بڑے پیمانے پر تنظیم نو کرنے کی تجویز ”

”

اسلام آباد (زاہد گشکوری، ہیڈ ہم انویسٹی گیشن ٹیم )خصوصی سرمایہ کاری سہولت کونسل(ایس آئی ایف سی )کی سفارشات کی روشنی میں وزارت انفارمیشن ٹیکنالوجی اور ٹیلی کمینیکیشن کی مکمل تنظیم نو کا فیصلہ کر لیا۔

ہم انویسٹی گیشن ٹیم کی تحقیقات کے مطابق وفاقی حکومت کو ٹیلی کام فاونڈیشن بند اور ٹیلی کام فاونڈیشن کے ذیلی اداروں کی نج کاری کرنے کی تجویز دی گئی ہے ۔ جبکہ نیشنل انفارمیشن ٹیکنالوجی بورڈ میں بڑے پیمانے پر تنظیم نو کرنے کی تجویز دی گئی۔ اس کے علاوہ اگنائٹ ٹیکنالوجی فنڈز کو بتدریج پرائیویٹ سیکٹرکو دینے کی تجویز بھی ہے۔

ذرائع نے بتایا ہے کہ بورڈ نجی شعبے کے بہترماڈل سے بات چیت کریگا، پاکستان سوفٹ وئیرایکسپورٹ بورڈ کی آمدنی ایک ارب تک بڑھائی جائے گی، ورچوئل یونیورسٹی اور یونیورسل فنڈز کام جاری رکھیں گے۔ معاملات کو دیکھنے کیلیے آٹھ ممبران پہ مشتمل کمیٹی بنا دی گئی ہے ۔

”