” وفاقی حکومت کا کراچی میں مائیرین بزنس ڈسٹرکٹ بنانے کا فیصلہ ” | Express News Pro

اسلام آباد: وفاقی حکومت نے کراچی پورٹ ٹرسٹ کے ساتھ مل کر شہر قائد میں مائیرین بزنس ڈسٹرکٹ بنانے کا فیصلہ کر لیا۔

نمائندہ ہم نیوز کے مطابق مائیرین بزنس ڈسٹرکٹ بنانے کا فیصلہ خصوصی سرمایہ کونسل کی سفارشات پر ہوا۔ وزارت جہاز رانی اس منصوبے کی اہم ورک اسٹریم کو دیکھے گی۔

میری ٹائم بزنس ضلع کراچی پورٹ ترقیاتی پیکج کے تحت بنایا جائے گا۔ منصوبے کے لیے زمین کی نشاندہی ہوچکی ہے اور پہلے مرحلے میں ایک ارب روپے خرچ کیے جائیں گے۔

یہ بھی پڑھیں: حکومت فی الفور بجلی بلوں پر اضافی ٹیکسز ہٹا سکتی ہے، مفتاح اسماعیل

وزارت جہاز رانی ایس آئی ایف سی کی سفارشات پر کراچی میں 4 بڑے منصوے بنانے کا ارادہ رکھتی ہے اور گرین فیلڈ ماڈرن کوسٹل سٹی بنانے کا پلان بھی شامل ہے۔

کورنگی فشریز بزنس پارک بھی بنانے کا فیصلہ کیا گیا جبکہ کوسٹل فری اکنامک زون بھی بنانے کی تجویز دی گئی ہے۔