” پاکستان سے بدلہ لینے کیلئے تیار ہیں ، افغان طالبان کمانڈر کی ویڈیو منظر عام پر ” | Express News Pro

پاک افغان سرحد پر سکیورٹی فورسز پر حملوں کے لیے منصوبہ بندی کی ویڈیو لیک ہو گئی۔

سکیورٹی ذرائع کے مطابق لیک ویڈیو افغانستان کے علاقے ڈانگرالگد کی ہے جس میں تحریکِ طالبان افغانستان کا لیڈر یحییٰ حافظ گل بہادر ہدایات دیتا نظر آ رہا ہے۔

خواتین کو کوڑے مارنے والے تحریک طالبان سوات گروپ کا کمانڈر آپریشن میں مارا گیا

ویڈیو میں کمانڈر کہتا سنائی دے رہا ہے کہ ہم پاکستان سے بدلہ لینے کے لیے تیار ہیں، منصوبے کے مطابق 6 راکٹ چلانے والے اور 6 معاونین ہوں گے، یہ سب مجاہدین امیر المومنین شیخ عباد اللّٰہ کے احکامات پر تیار ہیں۔

ویڈیو میں دہشتگرد پاکستان کے خلاف لڑنے پر رضامندی ظاہر کرتے دکھائی دے رہے ہیں ،دوسری جانب افغانستان کی طالبان حکومت کا اس ویڈیو پر کوئی ردِعمل سامنے نہیں آیا ہے۔

کراچی میں ٹی ٹی پی کا بڑا نیٹ ورک بے نقاب ، کمانڈر سمیت 17 دہشتگرد گرفتار

یاد رہے کہ پاکستان مسلسل مطالبہ کرتا آ رہا ہے کہ کابل حکومت دہشتگردوں کو اپنی سر زمین استعمال نہ کرنے دے ، افغان حکومت کی بارہا یقین دہانی کے باوجود افغان سرزمین مسلسل پاکستان کے خلاف استعمال ہو رہی ہے۔