” ہزاروں ملازمین کی جانب سے اربوں روپے کی کرپشن اور غبن کا انکشاف ”

”

اسلام آباد (زاہد گشکوری، ہیڈ ہم انویسٹی گیشن ٹیم ) بجلی کی تقسیم کارکمپنیوں کے ملازمین کی جانب سے اربوں روپے کی کرپشن اور غبن کا انکشاف ہوا ہے۔

ہم انویسٹی گیشن ٹیم کی تحقیقات کے مطابق پانچ تقسیم کار کمپنیوں کے ملازمین نے سال میں دو ارب کی کرپشن کی، چار ہزار سے زائد تقسیم کار کمپنیوں کے ملازمین اس چوری، فراڈ، غبن میں ملوث پائے گئے ہیں۔

سابق چیئرمین پی ٹی آئی کا 12 مقدمات میں جسمانی ریمانڈ کالعدم قرار دینے کا تحریری فیصلہ جاری

تقسیم کار کمپنیوں میں چونسٹھ کروڑ روپے کا سرکاری گاڑیاں او ر دیگرسازوسامان چوری ہونے اور چون کروڑ سے زائد کی بجلی کےسازوسامان اور مقدار میں چوری اور خردبرد کرنے کا انکشاف ہوا ہے ۔

ڈیسکوز یا تقسیم کار کمپنیوں پر سپیشل آڈٹ رپورٹ میں انکشاف کے مطابق حیدرآباد الیکٹرک سپلائی کمپنی میں ڈیڑھ ارب روپے کی فراڈ اور کرپشن ہوئی، گوجرانوالہ الیکٹرک سپلائی کمپنی میں ساڑھے تین کروڑ اور این ٹی ڈی سی میں چھتیس لاکھ کی کرپشن پکڑی گئی ہے۔

تحریک انصاف نے چیف الیکشن کمشنر اور ارکان کے خلاف ریفرنس دائر کردیا

تقسیم کار کمپنیوں میں ایک سال میں ایک ہزار کیسوں میں چھیالیس کروڑ کی چوری پکڑی گئی، کوئٹہ الیکٹرک سپلی کمپنی میں تیرہ کروڑ، گوجرانوالہ اور فیصل آباد میں تین تین کروڑ کی چوری ہوئی۔

رپورٹ کے مطابق آڈٹ ٹیموں کی سفارش کے باوجود ملوث افسران اور ملازمین کیخلاف تاحال ایکشن نہیں لیا گیا۔

”